Nala Ba Lab e Zainab (Noha) – Ali Zia Rizvi 1980s

Nala ba lab e Zainab e lachaar Hussaina

Nala ba lab e Zainab e lachaar Hussaina

Maujood hain ahbaab na ansaar Hussaina
Nala ba lab…

Hai chaaro taraf nargha e kuffaar Hussaina
Nala ba lab…

Faryaad nahi koi madadgaar Hussaina
Nala ba lab…

Ab koi nahi sab mah e anwar gaye maaray (x2)
Saath aaye thay jitne wo dilawar gaye maaray
Hum shakl e Muhammad Ali Akbar gaye maaray
Soya hai lab e nehr Alamdar Hussaina
Nala ba lab e Zainab…

Maujood hain ahbaab na ansaar Hussaina
Nala ba lab…

Jo mar gaye un par bhi ajab zulm o jafa hai (x2)
Ya dhoop hai ya khaak ya maqtal ki hawa hai
Mazloomo ke laasho pe na saaya na rida hai
Wa hasrata aalaam e garaa’n baar Hussaina
Nala ba lab…

Maujood hain ahbaab na ansaar Hussaina
Nala ba lab…

Dil jalta hai aankhon mein hai barsaat ka mausam (x2)
Hai chaaron taraf phaila hua silsila e gham (x2)
Jaltay huay khaimoan se sada aati hai paiham
Hai fauj e sitam dar pa e azaar Hussaina
Nala ba lab…

Maujood hain ahbaab na ansaar Hussaina
Nala ba lab…

Ye saa’at e amboh e garaan sham e ghariban (x3)
Aur sehmay huay Ahl e Haram dard ba daama (x2)
Zakhmo pa namak paashi ka honay laga saamaan
Ab koi nahi moonis o ghamkhar Hussaina
Nala ba lab…

Maujood hain ahbaab na ansar Hussaina
Nala ba lab e Zainab…

Khaimay jalay asbab luta chhin chuki chaadar (x2)
Aur aisay mein bachhon ko liye Zainab e muztar
Aa bethi basad karb sar e farsh zameen par (x2)
Hain khaak nashee itrat e at’haar Hussaina
Nala ba lab…

Maujood hain ahbaab na ansar Hussaina
Nala ba lab…

Kya azm tha ghurbat mein bhi aye Saani e Zehra (x2)
Bachho ko sambhala kabhi bewaaon ko dekha
Sajjad ko Baqar ko Sakina ko sulaya (x2)
Maujood hain Akbar na Alamdar Hussaina
Nala ba lab…

Maujood hain ahbaab na ansar Hussaina
Nala ba lab e Zainab…

Thee pehray pe maujood liye toota sa naiza (x2)
Maqtal ki taraf dekha to kehnay lagi dukhiya
Kuch meri bhi haalat ki khabar hai mere bhayya (x2)
Be waariso ke qaafila salaar Hussaina
Nala ba lab…

Nala ba lab e Zainab e lachaar Hussaina

Check out other Noha from Ali Zia Rizvi:
https://www.abulhasanlakhani.com/category/noha/ali-zia-rizvi/

Anjuman-e-Ghamkhwaran-e-Abbas’s YouTube channel:
https://www.youtube.com/channel/UC08jwm0R5_cMXCXrGQEZNCw