Mujrai Khalq Mein (Salaam) – Asad Amanat Ali Khan 1990’s

7 hours ago Asad Amanat Ali Khan Leave a comment 27 Views

Mujrai Khalq Mein In Aankho Ne Kya Kya Dekha

مجرئی خلق میں اِن آنکھوں نے کیا کیا دیکھا
پر کہیں سِبطِ پیمبَر سا نہ آقا دیکھا

میں نے دیکھا علمِ شاہ کو آلودہءِ خوں
میں نے عباس کو بے جاں لبِ دریا دیکھا

میں نے دیکھا علی اصغر کا گلا خون میں تر
میں نے زخمی علی اکبر کا کلیجہ دیکھا

ایک گٹھری شہِ دیں پشت پہ لائے اس میں
میں نے ٹکڑے ہوئے قاسم کا سراپا دیکھا

بے رِدا خلق نے اُس بی بی کے سَر کو دیکھا
جِس کی مادر کا کسی نے نہ جنازہ دیکھا

کہتی تھیں زینبِ مُضطر کے خدا خیر کرے
رات کو خواب میں عُریاں سرِ زہرا دیکھا

جاکے زینَب نے مَدینے میں کہا صُغرا سے
کہوں کِس مُنہ سے کہ پَردیس میں کیا کیا دیکھا

گِر پڑے سبطِ نبی تھام کے ہاتھوں سے جِگر
علی اکبر کو جو ریتی پہ تڑپتا دیکھا

ہاۓ کیوں ہو نہ گئیں کور کہ اِن آنکھوں نے
قید خانے میں سَکینہ کا جنازہ دیکھا

ظُلم اۓ مُجرئی سجّاد نے کیا کیا دیکھا
گھر لُٹا قید ہوئے باپ کا لاشہ دیکھا

میں نے دیکھا شہِ مظلوم کو خنجر کے تلے
میں نے نیزے پہ سرِ دِلبرِ زہرا دیکھا

بانو رو دیتی تھیں منہ ڈھانپ کے اَصغر کے لیے
کسی عورت کی جو آغوش میں بچہ دیکھا

ؔپھر گیا آنکھوں میں شہ کا رخِ پُر خوں مونس
جب کہیں مقتل شبیر کا نقشہ دیکھا

Mujrai khalq mein in aankhon ne kya kya dekha

Mujrai khalq mein, in aankhon ne, kya kya dekha
Par kahin Sibte Payambar sa na, aaqa dekha
Mujraee khalq mein

Maine dekha Alame Shaah ko, aalooda e khoon
Main ne neze pe sare dilbare Zehra dekha
Mujrai khalq mein

Maine dekha Ali Asghar ka gala khoon mein tar
Maine Abbas ko, reti pe, tadapta dekha
Mujrai khalq mein

Aik gathdi Shahe deen pusht pe laaye us mein
Main ne tukde huwe Qasim ka saraapa dekha
Mujrai khalq mein

Gir paday Sibte nabi, thaam ke haathon se jigar
Ali Akbar ko jo reti pe tadapta dekha
Mujrai khalq mein

Be rida khalq ne us Bibi ke sar ko dekha
Jis ki maadar ka, kisi ne na janaaza dekha
Mujrai khalq mein

Haaye kyun ho na gayee, kor ke, in aankhon ne
Qaid khaane mein Sakina ka, janaaza dekha
Mujrai khalq mein

Boli ye Zainabe muztar, ke Khuda khair kare
Raat ko khwaab mein, uriyaan sare Zehra dekha
Mujrai khalq…

Jaa ke Zainab ne, Madine mein kaha, Sughra se
Kahoon kis mu se ke pardes mein, kya kya dekha
Mujrai khalq…

Zulm aye Mujrai Sajjad ne, kya kya dekha
Ghar luta qaid huwe baap ka laasha dekha
Mujrai khalq mein