Aur Koi Mazhar e Daawar (Salaam) – Syed Abrar Hussain Fathepuri 2011

Aur Koi Mazhar e Daawar Nazar Aata Nahi

Aur koi mazhar e daawar nazar aata nahi (x2)
Bazm e kul mei’n doosra Haider nazar aata nahi
Aur koi mazhar e daawar…

Bazm e kul mei’n doosra Haider nazar aata nahi
Aur koi mazhar…

Jis ko dil tasleem kar le hamsar e bayt e Khuda (x2)
Bayt e Itrat ke siwa woh ghar nazar aata nahi (x2)
Aur koi mazhar…

Hain Abu Taalib Ali Abbas aisay be misaal (x2)
Koi un jaisa wafa paikar nazar aata nahi (x2)
Aur koi mazhar…

Yun to panjo’n par khaday hai’n kitne mardaan e jari (x2)
Koi un mei’n faatah e Khayber nazar aata nahi (x2)
Aur koi mazhar…

Jo Muhammad ne sajaaya hai ba unwaan e Ghadeer (x2)
Dil ke andho’n ko wohi mimbar nazar aata nahi (x2)
Aur koi mazhar…

Parrh gayi’n hai jin ke dil par bugz e Haider ki naqaab (x2)
Un ko Ahmed ka kabhi bistar nazar aata nahi (x2)
Aur koi mazhar e daawar…

Aasmaa’n ham kyun karai’n teri bulandi ko salaam (x2)
Karbala se tu hamai’n bartar nazar aata nahi (x2)
Aur koi mazhar…

Hurr ki kuch aisi shab e Aashoor aankhei’n khul gayee’n (x2)
Koi bhi juz Sibt e Paigambar nazar aata nahi
Aur koi mazhar…

Sajda e Rab se na khud jo apni marzi se utha
Juz sar e Shabbir aisa sar nazar aata nahi
Aur koi mazhar…

Mar na jaaye maa kahee’n maalik ye manzar dekh kar
Saamnay jhoola hai aur Asghar nazar aata nahi
Aur koi mazhar…

Kis tarha’n soye Sakina seena e Sarwar ke baad (x2)
Jis pe neend aati thi woh bistar nazar aata nahi
Aur koi mazhar…

Chal basi beenaayi aye Kausar Nabi ke laal ki (x2)
Dhoondtay hai’n aur Ali Akbar nazar aata nahi

Aur koi mazhar e daawar nazar aata nahi
Bazm e kul mein doosra Haider nazar aata nahi

Aur koi mazhar e…

Another beautiful recitation of this kalaam by Abrar and Izhar bhai
https://www.youtube.com/watch?v=WUaBklVo33o