Abul Hasan Lakhani About Everything I Love!
Haaye Alamdaar haaye Alamdaar (x2).
[Kartay hain maatam haram Abbas ka.
Ho gaya marna sitam Abbas ka.] x4
Haaye Alamdar haaye Alamdar (x3).
Kehtay thay kamar thaam ke ye Sayyed-e-Abraar.
Haaye Alamdar haaye Alamdar (x2).
Ye haal hai lashay ka sambhala nahi jaata.
(Sambhala nahi jaata)
Teer aankh se bhai ki nikaala nahi jaata.
(Nikaala nahi jaata)
Imdad ko aa jaaiyye ya Haidar-e-Karraar.
Haaye Alamdar haaye Alamdar (x2).
Zainab ne teri aas pe chora tha Madina.
(Chora tha Madina).
Main kaisay bataon usay saqqa-e-Sakeena.
(Hai saqqa-e-Sakeena).
Maara gaya Zainab teri chaadar ka nigh-e-daar.
Haaye Alamdar haaye Alamdar (x2).
Tum qatl huay hum pe bhi chal jaayegi shamsheer.
(Chal jaayegi shamsheer).
Agyaar mein reh jaayegi tanha meri hamsheer.
(Hai tanha meri hamsheer).
Zainab ki rida bachnay ke baaki nahi aasaar.
Haaye Alamdar haaye Alamdar (x2).
Jis tarha’n se ghar laaye thay masjid se Ali ko.
(Masjid se Ali ko).
Us tarha’n se le jaayenge khaimay mein jaree ko.
(Hai khaimay mein jaree ko).
Akbar mere bhai ka janaaza karo tayyaar.
Haaye Alamdar haaye Alamdar (x2).
Bazoo bhi qalam ho gayay aye baazu-e-Shabbir.
(Aye baazu-e-Shabbir).
Tukday hai badan aankh mein paewast hua teer.
(Hai paewast hua teer).
Kis ne ye meri maa’n ki duaaon pe kiya waar.
Haaye Alamdar haaye Alamdar (x2).
Aati hai sadaa loot lo namoos-e-Nabi ko.
(Namoos-e-Nabi ko).
Ab maarna aasaa’n hai Hussain ibn-e-Ali ko.
(Hussain ibn-e-Ali ko).
Marnay pe teray jashn manatay hain sitamgaar.
Haaye Alamdar haaye Alamdar (x2).
Akbar hamain mushkil se bohat laaye hain bhai.
(Bohat laaye hain bhai).
Maidaan mein girtay huay hum aaye hain bhai.
(Hai hum aaye hain bhai).
Aankhein to zara kholo meray munis-o-ghamkhwaar.
Haaye Alamdar haaye Alamdar (x2).
Ik baat tumhain karb ki batlaata hun bhayya.
(Batlaata hun bhayya).
Jab bhi koi masooma ke maarega tamaacha.
(Maarega tamaacha).
Ro ro ke pukaaray gi Sakeena tumhain har baar.
Haaye Alamdar haaye Alamdar (x2).
Tha Mir Takallum yehi Shabbir ka noha.
(Yehi Shabbir ka noha).
Jaatay huay pura karo armaan hamaara.
(Hai armaan hamaara).
Aye bhai hamain bhai pukaaro zara ik baar.
Haaye Alamdar haaye Alamdar (x2).
Check out other Noha from Mir Hasan Mir:
https://www.abulhasanlakhani.com/category/noha/mir-hasan-mir/
Mir Hasan Mir’s YouTube channel:
https://www.youtube.com/MirHasanMir
