Maula Se Baatain Karain – Sibt-e-Jafar 2011

Maula Se Baatain Karain

آئیے اپنے مولا سے باتیں کریں

آج موقع بھی ہے اور فُرصت بھی ہے

میں مُخاطب جو ہوں وہ بھی موجود ہیں

خد کلامی نہیں ہی سماعت بھی ہے

آئیے اپنے مولا سے باتیں کریں


میرا ایمان ہے میرا اعلان ہے

آپ غاعِب نہیں بلکہ موجود ہیں

آپ واقف بھی ہیں اور قادر بھی ہیں

یہ بُرا وقت ہے میری نصرت کریں

مُجھ سے باتیں کریں مجھ کو شاباش دیں

میری خدمات کی میرے کردار کی

داد دیجیے مجھے میری سچّای کی

میرے افکار کی میرے اشعار کی


گر گنہگار ہوں اور خطاکار ہوں

تو بھی کیا ہے بشَر ہوں پَیَمبر نہیں

میں نہ معصوم و مُرسل وصی و علی

میں فرشتہ نہیں کوئ رہبر نہیں

ایک شاعر ہوں حق کا پرِستار ہوں

اور اِسی واسطے بَر سَرِ دار ہوں

نام پر جو تیرے دھوکے بازی کریں

واسطے اُن کے شَمشیر و تلوار ہوں


میری ہَستی ہی کیا میری طاقت بھی کیا

آپ کا ساتھ ہے تب ہوں ثابت قَدم

میں جو مَدِّ مقابل ہوں اشرار کے

شاملِ حال ہے آپ ہی کا کَرَم

میری روداد کو میری فریاد کو

کوئ سنتا نہیں کس کو آواز دوں

جو بھی ہوتا رہے ہونے دوں چُپ رہوں

آپ فرمائیے آقا میں کیا کروں


المدد المدد ال اماں ال اماں

العَجَل العَجَل یا امامِ زماں

ٹوٹ پڑنے کو ہیں ہم پر اب بِجلیاں

اۓ امامِ زماں ال اماں ال اماں

ہم نے مانا کے ہم سب گنہگار ہیں

آپ کے نام لیوہ ہیں حُبدار ہیں

اُن کے رحم و کرم پر نہ چھوڑیں ہمیں

دُشمَنِ دین و مِلّت جو اشرار ہیں


اُٹھ رہیں جو فتنے ہمارے خِلاف

اُن کے مَدِّ مُقابل اعانت کریں

مرجعیَّت عزاداری نعمات ہیں

آپ ہی مولا اِن کی حفاظت کریں

جِن کو پاسِ شَرعِیَّت نہیں ہے ذرہ

اُن کا کیا تزکِرہ اُن کا شِکوہ بھی کیا

ظاہِرَن مولا جو لوگ دیں دار ہیں

آپ پر ہے عیاں اُن کا سب ماجرہ


منگنی مہندی و شادی ولیمہ حُظور

اپنی خُشیوں میں شامل ہے فِسق و فُجُور

حد یہ ہے موت اور غم کے موقعوں پہ بھی

دِن بہ دِن ہو رہے ہیں شَرعیَّت سے دور

مُحکَماتِ شَرِعیَّت ہیں تنقید کی

زَد میں مولا مَدَد آپ فرمائیے

اب نہیں کوئ اُمّید اصلاح کی

ذُلفِقارِ عَلی لے کے آ جائیے


اُوڑھ کے شیر کی کھال دُمبے ہِرَن

بھیڑیے بھیڑ بھی شیرِ نَر ہو گۓ

مولوی مُفتی غازی نَمازی مُجاہد

قَلَمکار بھی پیشہ ور ہو گۓ

فرق مظلوم و ظالم میں باقی نہیں

عِلم پر جہل غلبے کی کوشِش میں ہے

رَبِّ کعبہ تجھے تیرا ہی واسطہ

ابرَہَ پھر سے حملے کی کوشِش میں ہے


اۓ اِمامِ زماں شاہِ ہر دو جہاں

کیوں میں دَب کر رہوں آپ آجائیں تو

ہیں جو دُشمَن زمین آسماں بھی میرے

پھر بھی تَن کر چَلوں آپ آجائیں تو

طعنہ زن ہیں جو مجھ پر یہ اہلِ جہاں

سب کو سمجھاؤں میں میرے بس میں کہاں

آپ کے سامنے اِن کی اوقات کیا

میں انہیں دیکھ لوں آپ آ جائیں تو


اِنتقامِ شہیدانِ کربوبلا

دیکھنا ہے مجھے شاہِ ہر دو سَرا

موت اِس شرت پر مُجھ کو منظور ہے

پھر سے میں جی اُٹھوں آپ آجائیں تو

نغمَہاۓ مَوَدَّت سناتا ہوں میں

آپ کے عاشقوں کو لُبہاتا ہوں میں

آپ کی راہ میں مولا سجدے کروں

اور قصیدے پڑھوں آپ آ جائیں تو


شاعر و سوز خواں سبطِ جعفرٓ ہوں میں

سب کو معلوم ہے کس کا نوکر ہوں میں

میں مصیبت میں ہوں آپ غیبت میں ہیں

کیوں مصائب سہوں آپ آ جائیں تو


آئیے اپنے مولا سے باتیں کریں

Aaiye apnay maula se baatain karain.
Aaj mauqa bhi hai aur fursat bhi hai.
Main mukhatib jo hun woh bhi maujood hain.
Khud kalami nahi hai sama’at bhi hai.
Aaiye apnay maula se baatein karain.

Mera Imaan hai mera aelaan hai.
Aap gayab nahi balke maujood hain.
Aap waaqif bhi hain aur qaadir bhi hain.
Ye bura waqt hai meri nusrat karain.
Mujhse baatein karain mujh ko shabash dain.
Meri khidmaat ki mere kirdaar ki.
Daad dijiye mujhe meri sachayi ki.
Mere afqaar ki mere ash’aar ki.

Aaiye apnay maula se baatain karain

Gar gunehgaar hoon aur khatakaar hoon.
To bhi kya hai bashar hoon payambar nahi.
Main na masoom-o-mursal wasi-o-Ali.
Main farishta nahi koi rehbar nahi.
Aik shaayir hoon haq ka parastaar hoon.
Aur isi waastay barsar-e-daar hoon.
Naam par jo tere dhoke baazi karain.
Waaste un ke shamsheer-o-talwaar hoon.

Aaiye apnay maula se baatain karain.

Meri hasti hi kya meri taaqat bhi kya.
Aap ka saath hai tab hoon saabit kadam.
Main jo madd-e-muqaabil hoon ashraar ke.
Shaamil-e-haal hai aap hi ka karam.
Meri roodaad ko meri faryaad ko.
Koi sunta nahi kis ko awaaz doon.
Jo bhi hota rahay honay doon chup rahoon.
Aap farmaaiye Aaqa main kya karoon.

Aaiye apnay maula se baatain karain.

Al-madad al-madad al-amaa’n al-amaa’n.
Al-ajal al-ajal Ya Imaam-e-Zamaa’n.
Toot padhnay ko hain hum par ab bijliyaan.
Aye Imaam-e-Zamaa’n al-amaa’n al-amaa’n.
Hum ne maana ke hum sab gunehgaar hain.
Aap ke naam lewa hain hub daar hain.
Un ke rehm-o-karam par na chodhain hamain.
Dushman-e-deen-o-millat jo ashraar hain.

Aaiye apnay maula se baatain karain

Uth rahain hain jo fitnay hamaray khilaaf.
Un ke madd-e-muqaabil ayaanat karain.
Marja’iyyat azaadari naimaat hain.
Aap hi maula in ki hifaazat karain.
Jin ko paas-e-shariyyat nahi hai zara.
Un ka kya tazkira un ka shikwa bhi kya.
Zaahiran maula jo log dee’n daar hain.
Aap par hai ayaa’n un ka sab maajra.

Aaiye apnay maula se baatain karain

Mangni mehndi shaadi waleema huzoor.
Apni khushion main shaamil hai fisk-o-fujoor.
Hadh ye hai maut aur gham ke mauqoan pa bhi.
Din ba din ho rahay hain shariyyat se duur.
Mohkamaat-e-shariyyat hain tanqeed ki.
Zad main Maula madad Aap farmaaiye.
Ab nahi koi ummeed islaah ki.
Zulfiqaar-e-Ali le ke aa jaaiye.

Aaiye apnay maula se baatain karain.

Oadh ke sher ki khaal dumbay hiran.
Bhedhiye bhedh bhi sher-e-nar ho gaye.
Molvi mufti ghazi namazi mujahid.
Kalam kaar bhi paishaawar ho gaye.
Farq mazloom-o-zaalim main baaqi nahi.
Ilm par jehal galbay ki koshish main hai.
Rab-e-Kaaba tujhe tera hi waasta.
Abraha phir se hamlay ki koshish main hai.

Aaiye apnay maula se baatain karain

Aye Imam-e-Zamaa’n Shah-e-har do jahaa’n.
Kyun main dub kar rahoon Aap aa jaayain to.
Hain jo dushman zameen aasmaa’n bhi mere.
Phir bhi tan kar chaloon Aap aa jaayain to.
Taana zan hain jo mujh par ye ahl-e-jahan.
Sab ko samjhaaon main mere bas main kahan.
Aap ke saamnay in ki auqaat kya.
Main inhain dekh loon aap aa jaayain to.

Aaiye apnay maula se baatain karain

Intiqaam-e-shaheedan-e-Karbo bala.
Dekhna hai mujhe shah-e-har do sara.
Maut is shart par mujhko manzoor hai.
Phir se main jee uthoon aap aa jayain to.
Naghmahaa-e-mawaddat sunata hoon main.
Aap ke aashiqon ko lubhaata hoon main.
Aap ki raah main maula sajday karoon.
Aur qaseeday padhoon aap aa jaayain to.

Aaiye apnay maula se baatain karain

Shayir-o-soz khwaan Sibt-e-Jafar hoon main.
Sab ko maaloom hai kis ka nauker hoon main.
Main museebat main hoon aap gaibat main hain.
Kyun masaayib sahoon aap aa jaayain to.

Aaiye apnay maula se baatain karain.

Please check out the cover for this manqabat done by me:
https://www.youtube.com/watch?v=fE_zVnGzDAM

Check out other kalaams from Ustad Sibte Jafar Shaheed on this website:
https://www.abulhasanlakhani.com/category/manqabats/ustad-sibte-jafar-shaheed-manqabats/