Nikla Hai Janaza Koi – Mir Hasan Mir

Nikla hai janaza koi Allah ke ghar se. (x2)
Aflaaq mein ik shor hai matam ke asar se.
Nikla hai janaza koi Allah ke ghar se.

Afsos ke masjid main namazi gaya maara. (x2)
Kuch kam nahi ye hashr hai qayamat ke asar se.
Nikla hai janaza…

Zainab se ye keh do ke woh dil khol ke roye. (x2)
Shabbir ki hamsheer hai ronay ko na tarsay.

Abbas zara Zainab-e-Muztar se khabardaar. (x2)
Faryaad main hath jaaye na chaadar kahin sar se.
Nikla hai janaza…

Haan bhool na jaana inhain kufe ke makeenon. (x2)
Guzraingi ye shahzaadian is raah guzar se.
Nikla hai janaza…

Nikla hai janaza koi Allah ke ghar se.
Aflaaq mein ik shor hai matam ke asar se.
Nikla hai janaza…