Sakina Utho Meri Jaan Utho – Irfan Haider 2001-02

Sakina Utho Meri Jaan Utho

Sakina utho meri jaan utho.
Rehaayi mili, chalo ghar chalain.

Ye karti thi maa lehad par buka.
Meri laadli, chalo ghar chalain.

Sakina utho meri… (x2)

Yahan se chalo chalain karbala.
Waheen par tumhain milaingay chacha.
Sitam jo huay bataana unhain.
Dikhaana unhain ye kurta jala.
Chacha jaan ko dikhana zara.
Rida khoon bhari, chalo ghar chalain.

Sakina utho meri… (x2)

Batana unhain sabhi sakhtiaan.
Mili kis kadar tujhe ghudkiyaan.
Hamaari rida luti kis tarhan.
Chinee kis tarhan teri baaliyaan.
Bataana unhain bujhee kis tarhan.
Teri tashnagee, chalo ghar chalain.

Sakina utho meri… (x2)

Padar se milo to diljoyi ho.
Bataana unhain bohat royi ho.
Kasam lo agar tumharay bina.
Sakina kabhi kaheen soyi ho.
Lehad baap ki milay jab tujhay.
Tu kehna yehi, chalo ghar chalain.

Sakina utho meri… (x2)

Lehad jab milay tujhe bhai ki.
Tu kehna usay meri laadli.
Rihaayi mili hamain qaid se.
Hamain ab nahi azziyyat koi.
Meray be zubaa utho ghar chalain.
Shabeeh-e-Nabi, chalo ghar chalain.

Sakina utho meri… (x2)

Lab-e-Al qama tu karna fugaa.
Teri mauj hai abhi tak rawaan.
Meri pyaas par huay jo fida.
Chaccha ke meray hain baazu kahan.
Kahan mashq hai kahan hai alam.
Kahan hai jaree, chalo ghar chalain.

Sakina utho meri… (x2)

Na ab gham koi na uftaad hai.
Wo zanjeer se ab azaad hai.
Phuppi bhi teri teray saath hai.
Teray saath hi wo Sajjad hai.
Meri ghamzada shab-e-gham katee.
Sehar ho chuki, chalo ghar chalain.

Sakina utho meri… (x2)

Laboan par teray yehi baat thi.
Watan jaayeinge kabhi hum Phuppi.
Tujhay shimr ka nahi khauf ab.
Sataayeinge na tujhay ab shaqee.
Nikal qaid se shuru hum karain.
Nayee zindagi, chalo ghar chalain.

Sakina utho meri… (x2)

Ghareeboan ka ye luta qaafala.
Wida ho ke phir watan jaayega.
Tujhay paayegi jo Sughra teri.
To beemaar ko milay gi dawa.
Galay mil ke phir bohat royegi.
Wo behna teri, chalo ghar chalain.

Sakina utho meri jaan utho… (x2)

Mazaar-e-Nabi laraz jaayega.
Behan jab teri karay gi bukaa.
Kahan hain chaccha kahan hain padar.
Kahan hain bata baraadar mera.
Sunanay usay ye roodad-e-gham.
Yehi be basee, chalo ghar chalain.

Sakina utho meri jaan utho… (x2)

Gaya marqad-e-Sakina pe gar.
Karay ga wahan ye Mazhar bayaan.
Ata umr kar isay daayemee.
Ye Irfan hai tera noha khwaan.
Wahan jaa ke phir kahay ga nahi.
Mera dil kabhee, chalo ghar chalain.

Sakina utho meri jaan utho
Rihaayi mili, chalo ghar chalain. (x4)

Check out other noha’s by Syed Irfan Haider:
https://www.abulhasanlakhani.com/category/noha/syed-irfan-haider-rizvi/

Check out Syed Irfan Haider’s YouTube Channel
https://www.youtube.com/irfanhaider