Abul Hasan Lakhani About Everything I Love!
Teeroan ke musallay par
Teeroan ke musallay par wo sajda-e-Shukrana.
Shabbir ne batlaaya (x2). Islaam pe mar Jaana.
Teeroan ke musallay par… (x2)
Kuch is tarha’n laash aayi ik raat ke biyaahe ki (x2).
Afsoos keh maadar ne betay ko na pehchana.
Teeroan ke… (x2)
Socho to musalmaano ye baat koi kam hai (x2).
Ahmad ki nawaasi ka darbaar mein aa Jaana.
Teeroan ke… (x2)
Haider ki shuja’at ka andaaz nazar aaya (x2).
Wo sham-e-ghareebaan mein Zainab ka na ghabrana.
Teeroan ke… (x2)
Mola ki wasiyyat thi Abbas Dilaawar ko (x2).
Talwaar nahi khenchi Aaqa ka kaha maana.
Teeroan ke… (x2)
Ik teer Ali Asghar ki gardan mein laga aa kar (x2).
Masoom ka hans dena aur maut ka ghabraana.
Teeroan ke… (x2)
Barchi Ali Akbar ke seenay se nikal aayi (x2).
Dekha na gaya Sheh se yun dil ka nikal aana.
Teeroan ke… (x2)
Darbar mein logoan se Fizza ne kaha ro kar (x2).
Aati hai Nabi zaadi taazeem ko jhuk jaana.
Teeroan ke… (x2)
Ta hashr rulaaye ga Mola ki tayyari par (x2).
Duldul ki rakaabon se beti ka lipat jaana.
Teeroan ke… (x2)
Mayyat Ali Asghar ki haathon pe utha bolay (x2).
Allah tere aagay hai Shabbir ka nazraana.
Teeroan ke… (x2)
Bhoolay ga zamaanay ko manzar na kabhi Nasir (x2).
Maasoom ki mayyat ko Shabir ka dafnaana.
Teeroan ke… (x2)
Nasir ka ye daawa hai banta hai Hussain aise (x2).
Saanchay mein imaamat ke Quraan ka dhal aana.
Teeroan ke musallay par wo sajda-e-Shukrana (x2).
Check out other nohas from Hasan Sadiq here:
https://www.abulhasanlakhani.com/category/noha/hasan-sadiq/
Check our Hasan Sadiq’s official Youtube Channel:
https://www.youtube.com/hassansadiqofficial
