Noha

Musafiran e Museebat - Nadeem Sarwar 2005

Recited byNadeem Sarwar· 20 July 2026·views

اردو

مسافرانِ مصیبت

نہ محمل ہے نہ ہودج ہے
نہ لشکر کی وہ سج دھج ہے
نہ سَر پہ علم نہ چادر ہے
اللہ یہ کیسا منظر ہے
مسافرانِ مصیبت وطن میں آتے ہیں
سفر سے آتے ہیں سوغاتِ درد لاتے ہیں

کیا سلام محمدؐ کے آستانے کو
کٹا کے آئے ہیں زہراؑ کے سب گھرانے کو
نہ کر قبول تو ہم بیکسوں کے آنے کو
یہ نوحہ کرتے ہیں اور اشک خوں بہاتے ہیں

مدینہ ہم تیرے والی کو آئے ہیں کھو کر
مدینہ کوفے میں سَر ننگے ہم پھرے دَر دَر
مدینہ داغِ رَسن ہے ہمارے شانوں پر
اُٹھا کے ہاتھ مدینے کو یہ سُناتے ہیں

ہر اک قدم ہے بُکا کب لبوں پہ بین نہیں
ہم آئے زندہ پَہ زہراؑ کا نورِ عین نہیں
مدینہ اکبرؑ و قاسمؑ نہیں حُسینؑ نہیں
یہ کیسے کیسے جواں تھے جو یاد آتے ہیں

مدینے والو کہو اُس بہن کی کیا تقدیر
جو دیکھے اپنے برادر کے حلق پر شمشیر
لہو میں غرق جو دیکھے حُسینؑ کی تصویر
لہو میں کیا یوں ہی بھائی کا سَر دکھاتے ہیں

بتاؤ کہتے ہیں کیا سب اُس امّاں جائی کو
جو اربعین تلک دے کفن نہ بھائی کو
بہن دِکھائے گی منہ کس طرح خُدائی کو
کفن دیا ہے نہ اُن کی لحد بناتے ہیں

چلا بشیر یہ دیتا ہوا خبر ہر جا
مگر محلّہِ ہاشم میں دیکھتا ہے کیا
کے اِک مریضہ سَرِ راہ ہے کھڑی تنہا
ہے منتظر کے وہ کنبے کے لوگ آتے ہیں

خبر یہ پھیلی تو ماتم ہر ایک گھر میں ہوا
نکل پڑیں سب عورتیں برہنہ پا
گری زمین پہ صغریٰؑ کے اُس پہ چرخ گرا
جو سوگوار ہیں صغریٰؑ کے پاس آتے ہیں

فضائے درد میں لے کر اُداسیاں آئیں
سفر سے لُٹ کے اِدھر بھوکی پیاسیاں آئیں
اُٹھو رسولؐ تمہاری نواسیاں آئیں
کہ خود کو اونٹوں سے اہلِ حرم گراتے ہیں

جو آئی کان میں آوازِ بانوئے مضطر
کہاں ہو اے میرے والی امامِ جن و بشر
تڑپ کے رہ گئی صغریٰؑ بپا ہوا محشر
دبیر بس کے اب افلاک تھرتھراتے ہیں

شاعر: مرزا سلامت علی دبیر

Roman English

Musafiraan-e-Museebat

Na mehmil hai na hodaj hai
Na lashkar ki woh saj dhaj hai
Na sar pe alam na chaadar hai
Allah yeh kaisa manzar hai
Musafiraan-e-museebat watan mein aate hain
Safar se aate hain saughaat-e-dard laate hain

Kiya salaam Muhammadؐ ke aastaane ko
Kata ke aaye hain Zehraؑ ke sab gharaane ko
Na kar qabool tu hum bekasoun ke aane ko
Yeh nauha karte hain aur ashk khoon bahaate hain

Madina hum terey waali ko aaye hain kho kar
Madina Koofe mein sar nange hum phirey dar dar
Madina daagh-e-rasan hai hamaare shaanon par
Utha ke haath Madine ko yeh sunaate hain

Har ik qadam hai buka kab labon pe bain nahin
Hum aaye zinda pe Zehraؑ ka noor-e-ain nahin
Madina Akbarؑ o Qasimؑ nahin Hussainؑ nahin
Yeh kaise kaise jawaan thay jo yaad aate hain

Madine waalo kaho us behan ki kya taqdeer
Jo dekhe apne baraadar ke halq par shamsheer
Lahu mein gharq jo dekhe Hussainؑ ki tasveer
Lahu mein kya yun hi bhai ka sar dikhaate hain

Batao kehte hain kya sab us ammaan jaai ko
Jo Arbaeen talak de kafan na bhai ko
Behan dikhaaye gi munh kis tarah khudaai ko
Kafan diya hai na un ki lahad banaate hain

Chala Basheer yeh deta hua khabar har ja
Magar mohalla-e-Hashim mein dekhta hai kya
Ke ik mareeza sar-e-raah hai khari tanha
Hai muntazir ke woh kunbe ke log aate hain

Khabar yeh phaili to maatam har aik ghar mein hua
Nikal parein sab auratein barhana pa
Giri zameen pe Sughraؑ ke us pe charkh gira
Jo sogwaar hain Sughraؑ ke paas aate hain

Fizaa-e-dard mein le kar udaasiyaan aayein
Safar se lut ke idhar bhooki pyaasiyaan aayein
Utho Rasoolؐ tumhaari nawaasiyaan aayein
Ke khud ko oonton se ahl-e-haram giraate hain

Jo aayi kaan mein awaaz-e-Banu-e-muztar
Kahaan ho aye merey waali Imaam-e-jinn o bashar
Tarap ke reh gayi Sughraؑ bapa hua mehshar
Dabeer bas ke ab aflaak thartharaate hain

Shayar: Mirza Salamat Ali Dabeer

Nadeem Sarwar Mirza Dabeer Urdu Writeup Aseeran-e-Karbala Anjuman-e-Gulzar-e-Haidery 2005-06