Sakina Bibi Ke Bain Irfan (Salaam) – Syed Nasir Zaidi 1990-91

اردو

سکینہؑ بی بی کے بین عرفاں
حرم میں محشر اٹھا رہے ہیں
بپا ہے رانڈوں میں شورِ ماتم
حسینؑ مرنے کو جا رہے ہیں

کہیں پہ غش میں پڑے ہیں عابدؑ
کہیں پہ باقرؑ تڑپ رہا ہے
وہ چند بچے سسک رہے ہیں
وہ چند آنسو بہا رہے ہیں
سکینہؑ بی بی۔۔۔

بڑی قیامت کا ہے یہ منظر
جنابِ فضہ کا امتحاں ہے
بہن سے چھپ کر حسینؑ بے کس
لباسِ کہنہ منگا رہے ہیں
سکینہؑ بی بی۔۔۔

کہاں ہو عباسؑ عون و اکبرؑ
کہاں ہو قاسمؑ حسنؑ کے دلبر
سواری لاؤ رکاب تھامو
امامؑ تم کو بلا رہے ہیں
سکینہؑ بی بی۔۔۔

رباب کے دل سے کوئی پوچھے
کہ جس کا بچہ تو مر چکا ہے
پڑا ہے خیمے میں ایک جھولا
اسے بھی ظالم جلا رہے ہیں
سکینہؑ بی بی۔۔۔

سکینہؑ بی بی کے کان زخمی
جنابِ زینبؑ کی پشت زخمی
جو ایک وارث ہے بیبیوں کا
اسے بھی بیڑی پہنا رہے ہیں
سکینہؑ بی بی۔۔۔

سموں سے گھوڑے کے ایک بچی
لپٹ گئی بے قرار ہو کر
بنا کے بانہوں کا اپنی جھولا
حسینؑ اس کو سلا رہے ہیں
سکینہؑ بی بی۔۔۔

وہ حشر اٹھا وہ تیغیں چمکیں
وہ تیر برسے وہ آئے پتھر
حسینؑ پشتِ فرس پہ بیٹھے
لہو میں اپنے نہا رہے ہیں
سکینہؑ بی بی۔۔۔

زمیں پہ زین سے وہ آئے مولاؑ
وہ چھا گیا ہر طرف اندھیرا
نبیؐ کے دیں کی اساس رکھنے
حسینؑ سجدے میں جا رہے ہیں
سکینہؑ بی بی۔۔۔

ارے کوئی شمر سے یہ کہہ دے
ابھی نہ خنجر چلا ستمگر
بتولؑ بالی پہ آ چکی ہیں
رسولؐ مقتل میں آ رہے ہیں
سکینہؑ بی بی۔۔۔

وہ آئی شامِ غریباں رن میں
وہ حشر اٹھا بلا کے بن میں
حرم کے برقعے اتر رہے ہیں
لعیں خیمے جلا رہے ہیں
سکینہؑ بی بی کے بین عرفاں۔۔۔

نبیؐ کے بیٹے فرقِ اقدس
قرآن سے کم نہیں ہے ناصرؔ
نہ جانے کیسے ہیں یہ مسلمان
قرآن پہ خنجر چلا رہے ہیں

سکینہؑ بی بی کے بین عرفاں
حرم میں محشر اٹھا رہے ہیں

— ناصرؔ حسین زیدی

Roman English

Sakina Bibi ke bain irfan.
Haram mein mehshar uthaa rahay hain.
Bapa hai raandoan mein shor-e-maatam.
Hussain marnay ko jaa rahay hain.

Sakina Bibi…

Kaheen pa gash mein paday hain Abid.
Kaheen pa Baqar tadap raha hai.
Wo chand bachhay sisakk rahay hain.
Wo chand aansoo baha rahay hain.

Sakina Bibi…

Badi qayamat ka hai ye manzar.
Janaab-e-Fizza ka imtihaan hai.
Behan se chhup kar Hussain be kass.
Libaas-e-kohna manga rahay hain.

Sakina Bibi…

Kahan ho Abbas Aun-o-Akbar.
Kahan ho Qasim Hasan ke dilbar.
Sawaari laao raqaab thaamo.
Imam tum ko bula rahay hain.

Sakina Bibi…

Rabab ke dil se koi poochay.
Ke jis ka bachha to mar chuka hai.
Pada hai khaimay mein aik jhoola.
Usay bhi zaalim jala rahay hain.

Sakina Bibi…

Sakina bibi ke kaan zakhmi.
Janab-e-Zainab ki pusht zakhmi.
Jo aik waaris hai Bibiyoan ka.
Usay bhi baydee penha rahay hain.

Sakina Bibi…

Sumo se ghoday ke aik bachhee.
Lipat gayi be qaraar ho kar.
Bana ke baahoan ka apni jhoola.
Hussain us ko sula rahay hain.

Sakina Bibi…

Wo hashr utha wo taighain chamkeen.
Wo teer barsay wo aayay pathhar.
Hussain pusht-e-faras pa baithay.
Lahoo mein apnay nahaa rahay hain.

Sakina Bibi…

Zameen pa zeen se wo aayay Mola.
Wo chhaa gaya har taraf andhera.
Nabi ke deen ki asaas rakhnay.
Hussain sajday mein jaa rahay hain.

Sakina Bibi…

Aray koi shimr se ye keh de.
Abhi na khanjar chala sitamgar.
Batool baali pa aa chuki hain.
Rasool maqtal mein aa rahay hain.

Sakina Bibi…

Wo aayi shaam-e-ghareeban ran mein.
Wo hashr utha balaa ke ban mein.
Haram ke burqay utar rahay hain.
Laeen khaimay jala rahay hain.

Sakina Bibi ke bain irfan…

Nabi ke betay Farq-e-Aqdas.
Quraan se kam nahi hai Nasir.
Najaanay kaisay hain ye musalmaan.
Quraan pe khanjar chala rahay hain.

Sakina Bibi ke bain irfan
Haram mein mehshar utha rahay hain.